மகாபாரதம் – 18. சுவர்க்க ஆரோஹன பருவம்

யுதிஷ்டிரன் தன் போக்கில் பேச்சை முடித்தவுடன் தர்மராஜன் யுதிஷ்டிரன் முன்னிலையில் தோன்றினார். யுதிஷ்டிரனுடைய தெய்விக தந்தையாகிய தர்மராஜார் வேண்டுமென்றே மூன்றாவது தடவையாக யுதிஷ்டிரனை பரிசோதனை செய்திருந்தார். அதிலும் யுதிஷ்டிரன் வெற்றி பெற்றான். தர்மராஜன் தோன்றியதும் அங்கு இருந்த காட்சி திடீரென்று மறைந்து நரகம் சொர்க்கமாக மாறியது. இது யுதிஷ்டிரனுக்காக வேண்டுமென்றே தற்காலிகமாக அமைக்கப்பட்டிருந்த வெறும் தோற்றம் ஆகும் தர்ம மார்க்கத்தில் இருந்து இம்மியளவும் பிசகாது இருந்த யுதிஷ்டிரனுக்கு இந்த கொடிய காட்சியானது சிறிது நேரத்திற்கு வேண்டுமென்றே காண்பிக்கப்பட்டது. நரக வேதனை என்ன என்பதை அறியாது இருந்தால் யுதிஷ்டிரன் வாழ்க்கையை பற்றிய அனுபவங்கள் பூர்த்தியடையாது. தான் வேண்டுமென்று செய்யாமலேயே துரோணருக்கு போர்க்களத்தில் சிறிது குழப்பத்தை உண்டு பண்ணி துரோணர் இறப்பதற்கு யுதிஷ்டிரனும் ஒரு காரணமாக இருந்தான். அறியாமல் செய்த குற்றத்திற்கு சிறிது நேரம் நரகத்தில் இருக்க வேண்டும் என்ற சிறு தண்டனை அவனுக்கு அளிக்கப்பட்டது.

ஒருவன் எவ்வளவு தான் தர்மத்தை கடைபிடித்து வாழ்ந்தாலும் அவர்கள் சிறிதேனும் ஏதோ ஒரு வகையில் தெரிந்தோ தெரியாமலோ தவறு செய்திருப்பார்கள். இந்த வகையில் பீஷ்மர் கர்ணன் பீமன் அர்ஜுனன் நகுலன் சகாதேவன் திரௌபதி யுதிஷ்டிரனும் சிறிது நேரம் தண்டனையை அனுபவித்தார்கள். சிறிது நேர நரக தண்டனை முடிந்ததும் இப்போது அவர்கள் இருந்த இடம் சொர்க்கமாக மாறி பேரின்பத்தில் வாழ்வார்கள். ஒருவன் எவ்வளவு தவறு செய்தாலும் அவன் சிறிது நன்மை செய்திருப்பான் அதன்படி துரியோதனன் செய்த சிறிது நன்மைக்காக சிறிது நேரம் சொர்கத்தில் வாழ்ந்தான். செய்த நன்மைக்கான பலன் சொர்க்கத்தில் முடிவடைந்ததும் அவன் இருந்த இடம் நரகமாக மாறியது. இப்போது அவன் செய்த தவறுக்கு நரகத்தில் அதற்கான தண்டனை அனுபவிப்பான்.

மண்ணுலகில் தர்மத்தை கடைபிடித்து தர்மன் என்று பெயர் பெற்ற யுதிஷ்டிரன் விண்ணகத்திலும் தர்மத்தை கடைபிடித்து தர்மராஜன் பெற்ற மகனாக விளங்கினார். யுதிஷ்டிரன் கடைபிடித்து வந்த தர்மத்தை சொர்க்கபதவியை காட்டியும் நரக வேதனை காட்டியும் அவனை கடைபிடிக்காமல் செய்ய இயலவில்லை. அனைத்து சோதனைகளிலும் அவன் வெற்றி பெற்று விண்ணுலகிலும் தர்மன் என்னும் பெயர் பெற்றான்.

யுதிஷ்டிரன் தேவலோகத்தில் இருந்த கங்கா நதியில் நீராடினான் அதன் விளைவாகத் விண்ணுலகிற்கு உரியவனான். அதன் பிறகு அவன் தனது சகோதரர்களிடம் அழைத்துச் செல்லப்பட்டான். அவன் உடன் பிறந்தவர்கள் திரௌபதியும் ஏற்கனவே விண்ணுலக வாசிகளான அவர்களோடு சேர்ந்த அவனது பேரானந்தம் பன்மடங்கு அதிகரித்தது. நெடுநாள் சொர்க்க பதவியை அனுபவித்தை பிறகு சிலர் பரம்பொருளில் இரண்டறக் கலந்தனர். வேறு சிலர் தங்கள் புண்ணிய கர்மாக்களை முடித்துக் கொள்ளுதல் பொருட்டு மீண்டும் மண்ணுலகில் பிறந்தனர்.

மகாபாரதம் முற்றியது.

இந்திரனுடைய விமானத்தில் சொர்க்கத்திற்குள் சென்ற யுதிஷ்டிரன் அங்கு பெரும் கும்பலாக கூடி இருந்தவர்களில் தன் சகோதரர்களை தேடினான். சகோதரர்கள் யாரும் அவன் கண்ணுக்கு தென்படவில்லை. அங்கு இருந்தவர்களில் அவனுடைய கவனத்தில் தெரிந்தவன் துரியோதனன். இது யுதிஷ்டிரனுக்கு சிறிது மனகலக்கத்தை உண்டு பண்ணியது. தன் குடும்பத்தை சேர்ந்தவன். ஆனால் பேராசை பிடித்தவன். தர்மத்திலிருந்து பெரிதும் பிசகியவன். யுத்த நெறியிலிருந்து பிசகிய பொல்லாதவன். அவன் புரிந்த பெரும் பாவச் செயல்களுக்கு மன்னிப்பு ஏதுமில்லை. யுத்தகுற்றவாளி என துரியோதனனே நரகத்தில் போட்டிருக்க வேண்டும். ஆனால் அதற்கு நேர்மாறாக அவன் இந்திரனுக்கு நிகரான பதவியை அங்கு பெற்றிருந்தான். அவனுடைய உள்ளத்தில் உதித்த அந்த எண்ணத்தை நாரதர் அறிந்து கொண்டார். உடனே யுதிஷ்டிரனிடம் சென்ற நாரதர் துரியோதனன் அடைந்திருப்பது வீர சொர்க்கம் என்று விளக்கம் கொடுத்தார். போர்க்களத்தில் மனம் தளராமல் போர்புரிந்து உடலை விடுவது க்ஷத்திரியர்களுக்கு உண்டான தகுதி எனவே துரியோதனனுக்கு சொர்க்கம் வாய்த்தது என்று விளக்கினார்.

யுதிஷ்டிரன் துரியோதனனை பற்றிய ஆராய்ச்சி எதையும் செய்யவில்லை. தன் சகோதரர்களை காண ஆவல் கொண்டிருந்தார். சகோதரர்கள் இருக்கும் இடத்திற்கு செல்லவேண்டும் என்று இந்திரனிடம் கேட்டுக்கொண்டான். அவர்கள் இருந்த இடத்திற்கு யுதிஷ்டிரனை அழைத்துச்செல்ல தேவதூதன் ஒருவன் அவனுடன் அனுப்பப்பட்டான். இவரும் நடந்து செல்ல செல்ல பாதை மேலும் மேலும் இருள் சூழ்ந்ததாக மாறியது. சூழ்நிலை அருவறுப்புக்குப்புக்கு உரியதாக இருந்தது. சகிக்க முடியாத துர்நாற்றம் வீசியது. மலம் நிறைந்ததாக அந்த இடம் அமைந்திருந்தது. நிலத்தில் ரத்தம் பெருக்கெடுத்து ஓடியது. தாங்க முடியாதவாறு அனல் காற்று வீசியது. தரையில் முட்கள் கிடந்தன. தனக்கு சிறிதும் பொருத்தமற்ற இந்த இடத்தைப் பற்றிய விவரங்களை தன்னுடன் வந்த தேவதூதனிடம் கேட்டான். அது நரகத்தின் ஒரு பகுதி என்றும் இனி தாங்கள் திரும்பிப் போகலாம் என்றும் உடன் வந்தவன் விளக்கினான்.

யுதிஷ்டிரன் அங்கிருந்து செல்ல திரும்பியதும் பரிதாபகரமான கூக்குரல்கள் கிளம்பின. திரும்பி போக வேண்டாமென்றும் மிகவும் புண்ணியவானான நீங்கள் வந்ததினால் தாங்கள் பட்ட வேதனை சிறிது தணிந்தது ஆகவே செல்லாதீர்கள் என்று மீண்டும் விண்ணப்பங்கள் செய்தனர். அன்னவர்கள் மீது கருணை கொண்ட யுதிஷ்டிரன் நின்றபடி அவர்களைப் பற்றி விசாரித்து அவர்களை பார்த்தான். அங்க விண்ணப்பித்தவர்கள் பீஷ்மர் கர்ணன் பீமன் அர்ஜுனன் நகுலன் சகாதேவன் திரௌபதி ஆகியோர் இருந்தனர். அவர்களை கண்டதும் யுதிஷ்டிரன் ஸ்தப்பித்து போனான். மீண்டும் சரியான மனநிலைக்கு வர அவனுக்கு சிறிது நேரம் பிடித்தது. அதன் பிறகு உடன் தேவதூதுவனிடம் யுதிஷ்டிரன் உறுதியாகக் கூறினான் தேவலோகத்துக்கு அதிபதியாய் இருக்கும் இந்திரனிடம் நீ போய் நான் சொல்லும் செய்தியை கூறுவாயாக. பொல்லாங்கே வடிவெடுத்து இருக்கும் துரியோதனன் இருக்கும் சொர்க்க வாழ்க்கையை தனக்கு வேண்டாம் என்றும் அறநெறி சிறிதேனும் பிறழாத என் சகோதரர்கள் இங்கே நரக வேதனையில் மூழ்கிக் கிடக்கின்றனர். சொர்க்கத்தில் இது தான் நீதி என்றால் நானும் என் தம்பிமார்களோடு இந்த நரகத்திலேயே மூழ்கி கிடப்பேன் என்று கூறினார்.